BRAEKING NEWAS ASKARI WENGINE WAWILI WAUAWA KARAGWE

Na Mwandishi wetu

Bukoba

ASKARI wawili wa jeshi la polisi wilaya ya Ngara mkoa wa Kagera wameuawa baada ya kupigwa na wananchi wa kijiji cha Kasheshe kata ya Rugu wilayani Karagwe.

 Askari waliouawa wametambuliwa kwa ni sajenti Thomasi Magiro na Koplo   Damasi Kisheke wote kutoka wilaya ya Ngara,  majira ya saa 5:30 usiku kijijini hapo.

Baada ya askari hao kuuawa gari walilokuwa nalo aina ya Noha  liliteketezwa kwa moto.

Kwa mujibu wa taarifa kutoka eneo la tukio  wananchi walipoanza kuwashambulia askari hao, askari mmoja wapo aliyekuwa na bunduki ambaye jina lake halikufahamika mara moja alikimbia na bunduki na kisha kuelekea kusikojulikana.

Mkuu wa wilaya ya Karagwe ambaye pia ni mwenyekiti wa kamati ya ulinzi na usalama wilayani humo Bi. Darry Rwegasira akizungumza na majira kwa njia ya simu alithibitisha kuuawa kwa askari hao.

Alisema katika eneo la tukio wameshuhudia damu zikiwa zimetapakaa sehemu mbalimbali ikiwemo  gari waliokuwa nalo kuteketezwa kwa moto.

Mganga mfawidhi wa hospitali teule ya wilaya ya Karagwe Nyakahanga Dkt. Andrew  Cesari  alithibitisha kupokea  miili ya marehemu hao.

Dkt. Cesari alisema uchunguzi wa kitabibu umebaini kuwa vifo vya askari hao vilitokana na kipigo kikali  kilichosababisha majeraha katika sehemu mbalimbali za mwili, kuvuja damu nyingi na kisha kupelekea mauti hayo.

Tukio la jana la kuuawa kwa askari hao linafanya askari waliouawa na wananchi katika mkoa wa Kagera katika kisichoazidi mwezi mmoja kufikia idadi ya askari wanne, ambapo mwishoni mwa mwaka jana askari wawili waliuawa na wananchi wilayani Ngara

Mwisho